Тохсунньу 17 күнүгэр Өнөрдөөҕү «Тускул» сынньалаҥ киинигэр үгэскэ кубулуйбут аҕам саастаахтар саҥа дьыллааҕы көрсүһүүлэрэ буолла. Үс сылга биирдэ буолар, ыаллыы сытар нэһилиэктэр ветераннарын түмсүүлэрэ ох курдук оҥостон, симэнэн кэлэн бэрт көхтөөх, сэргэх тэрээһин буолла. Тэрээһиҥҥэ 2 Лөгөй, 1 Өспөх, Өнөр нэһилиэктэрэ уонна Бээди бөһүөлэгэ кыттыылаах аҕам саастаахтара ыалдьыттаатылар. Биэчэр устата араас көрдөөх күрэхтэр, ону тэҥэ маскарад, сценка, остуолга ууруллар мааны букет уонна салайааччыларга аналлаах сыл бэлиэтэ оҥоһук күрэҕэ буоллулар.
Олус үчүгэйдик тэринэн кэлэн кыттыыны ылбыт ыалдьыттарбытыгар барҕа махтал.
Тэрийэн ыыппыт Өнөрдөөҕү «Көмүлүөк» ветераннар түмсүүлэригэр бастакы улахан тэрээһиннэрэ үрдүк таһымҥа ааспытынан эҕэрдэ бастыҥын этэбит.
