Олунньу 25 күнүгэр, А.Д. Макарова аатынан Дьокуускайдааҕы култуура уонна искусство кэллиэһин уһуйааччылара фольклор көрүңнэригэр идэни, билиини үрдэтэр үөрэхтэрэ Олоңхо дьиэтигэр буолла. Ол курдук, Сергей Зверев-Кыыл Уолун аатынан үңкүү тыйаатырын нац.оркестрын солиһа, “Килбиэн” этноансамбыл салайааччыта, СӨ ыччат политикатыгар туйгуна Никифоров Дьулустан Гаврильевич кырыымпаҕа, Төрүт култуура салаатын сэбиэдиссэйэ Харитонова Сардана Васильевна чабырҕахха, тойукка, Төрүт култуура салаатын уһуйааччыта Лыткина Галина Анатольевна тойукка, норуот, дэгэрэң ырыаларга үөрэхтэри ыыттылар. Саха төрүт култууратын кэлэр кэнчээри ыччаттарбытыгар тиэрдэр өрөспүүбүлүкэ бастың култуура тэрилтэтин уһуйааччылара ыыппыт үөрэхтэригэр биһиги нэһилиэктэн Лукачевскай И.М., Макарова А.В., Афанасьева Д.В. үөрэннилэр, билиилэрин үрдэттилэр.
