«Иэйии» вокальнай ансаамбыл толоруутугар «Кыталыктар кырдаллара» Леонид Попов тыллара, Захар Винокуров мелодията
Кыталыктар кырдаллара
Үгүс үөмэх үөл үөттэр
Үмүрүччү үүммүттэр,
Кыталыктар кырдаллара
Бу киэн Лена кытыллара
Улуу өрүс хочотугар
Куба түһэр хочотугар
Ыйырбахтаан ылар курдук
Эҕирийэ тыына турдум
Кэрэкэтиэн Ийэ дойдум
Сахам сирин сааскы күөҕэ
Кэҕэ эттин, чыычаах туойдун
Сүрэх тэптин күүскэ үлэҕэ
«Иэйии» вокальнай ансаамбыл толорууутугар «Иитиллибит алааһым» Н.Литвинцев тыла, В.Ушницкай мелодията
Иитиллибит алааһым
Николай Литвинцев тыла,
Владимир Ушницкай мелодията
Киһи төрөөн аан бастаан
Кэһиэхтээхтик ытаабыт
Эмиий үүтүн ыймахтаан
Эмсэхтэнэ аһаабыт
Эмньик сааһым уйата
Эһэлээҕим сыһыыта
Тэбэнэттээх эрдэххэ
Тилэхтэрбин чэрдээбит
Аөҥүл чыычаах кэриэтэ
Көтөн-дайан үөскээбит
Эдэр сааһым киэҥ дьиэтэ
Эһэлээҕим эйгэтэ
Оо, ханна да буолларбын
Кэлэ туруом алааспар
Сэргэхсийэ хаамабын
Сибэккилээх сыһыыбар
Иитиллибит алааһым
Илгэ, тыына сылааһын
Күнэ үрдүк, күөҕэ өҥ
Салгына да ураты
Дойдубуттан Өнөртөн
Ордук сири булбатым
Өнөр буора - мин дойдум
Өнөр сирэ - мин дьолум
«Иэйии» вокальнай ансаамбыл толоруутугар «Өнөр сирин таптыыбын»
Өнөр сирин таптыыбын
Петр Максимов тыл., мелодията
Тыгын Дархан ытыктаан
Үтүө аатын ааттаабыт
Тоҕуй ууһун саҕаттан
Тоҕуоруспут бар дьоммут
Күлүмүрдэс долгуннаах
Сырдык ыраас уутугар
Сордоҥ, мунду, алыһар
Собо бэрдэ балыктаах
Өҥ быйаҥнаах дойдубун
Өнөр сирин таптыыбын!
Уолан бүппэт уулардаах
Бастар бүппэт балыктаах
Дьигискэннээх сүүрүктээх
Дьикти кэрэ үрэхтээх
Үрэхтэрин баһыгар
Сир аһынан дэлэйбит
Хара тыатын быыһыгар
Араас кыыла үөскээбит.
«Иэйии» вокальнай ансаамбыл толоруутугар «Дьол-соргу туһугар» Уйбаан Туймалыырап тыллара, Станислав Луковцев мелодията
Дьол- соргу туһугар
Алданы төрдүнэн, Өлүөнэм сүнньүнэн,
Алаастаах, үрэхтээх тайҕанан тэнийэн,
Үтүөнү, кэрэни үксэтэр үлэнэн,
Үүнэбит, сайдабыт үйэттэн үйэҕэ.
Бороҕон, Бэрт Хара буулаҕа удьуора
Дьол-соргу туһугар дьулуйан турунар.
Уостубат уйгулаах ураты дойдуну,
Урааҥхай ууһаабыт Уус - Алдан улууһун
Кэтит - киэҥ киэлитин кэрэхсии таптыыбын,
Кэрэни айаммын киниэхэ аныыбын.
Улуукан алааска улахан ыһыахха
Олоҥхо дуорайар, оһуокай ньиргийэр,
Эдэр саас эйэтэ, кырдьаҕас алгыһа
Эрчими эбэллэр, инники күүрдэллэр.
«Иэйии» вокальнай ансаамбыл толоруутугар «Алааһым барахсан» И.Федосеев тыла, В.Федоров м.
Алааһым барахсан
Алааһым барахсан
Алааһым салгына,
Аралы кустуга,
Дьэдьэнин амтана
Дьэргэлгэн ыллыга
Олус да күндүгүн
Оо, бэйэм сөҕөбүн,
Алааһым алааһым барахсан!
Алааһым тулата
Айгыр күөх барыта
Сибэкки сиксиэрэ
Сэмэй тыал сиккиэрэ
Кэрэ да эбиккин,
Эн миэхэ биһиккин,
Алааһым, алааһым барахсан!
Ол күөлгэ долгуннар
Оһуокай тэбэллэр,
Кырылыы устаннар
Кытыыга сүтэллэр.
Арылхай, чаҕылхай,
Алааһым барахсан,
Алааһым, алааһым барахсан!
Гран –при Афанасьев Демир –Ньурба куорат Лауреаттар Герасимова Диана — Ньурба куорат Маша Кузнецова – Бүлүү улууһа Үгүлээт нэһилиэгэ Никулин Арылхан – Горнай улууһа Бэрдьигэстээх сэлиэнньэтэ Кремнева Оля — Горнай улууһа Бэрдьигэстээх сэлиэнньэтэ Осипова Кира — Горнай улууһа Бэрдьигэстээх сэлиэнньэтэ Сивцева Лариана – Уус-Алдан Муру нэһилиэгэ Сосина Сайаана — Уус-Алдан Муру нэһилиэгэ Дипломаннар Семенова Вика… (читать далее)
НОМИНАЦИЯ «ХУДОЖЕСТВЕННОЕ СЛОВО» Гран при ●Горохова Күннэй Куо – Томпо улууһа Кириэс-Халдьаайы Лауреаттар ●Ефимова Амина — Томпо улууһа Кириэс-Халдьаайы ●Аринкина Айаана — Мэҥэ Хаҥалас улууһа Дипломаннар ●Кондратьев Арылхан — Томпо улууһа Кириэс-Халдьаайы ●Степанов Ариян — Томпо улууһа Кириэс-Халдьаайы ●Поскачин Платон – Томпо улууһа НОМИНАЦИЯ «ВОКАЛ» Лауреаттар ●Саввинова Диана – Уус-Алдан улууһа Арыылаах бөһүөлэгэ ●Румянцева Күннэй… (читать далее)
