Алтынньы 2 күнүгэр Россия Геройа Михаил Михайлович Стрекаловскай аатынан Өнөр орто оскуолатын педколлектива учуутал күнүн бэрт интэриэһинэй, тематическай биэчэр тэрийэн ыытта. СР культуратын туйуна, СР үөрэхтээһинин бочуоттаах бэтэрээнэ, Уус-Алдан улууһугар киллэрбит кылаатын иһин бэлиэ, Россия Герой М.М.Стрекаловскай аатынан анал бэлиэ хаһаайына, өнөр нэһилиэгин бочуоттаах олохтооҕо Екатерина Михайловна Стрекаловская төрөөбүтэ 80 сааһыгар аналлаах чиэстээһин бырааһынньык буолла. Биэчэри оскуола педколлектива, профсоюһа олус үчүгэйдик тэринэн, үбүлүөйдээх Екатерина Михайловнаҕа соһуччу бэлэх оҥорон көрүстүлэр.
Убаастыбыллаах Екатерина Михайловнаҕа бу киэһэ олус элбэх истиҥ эҕэрдэлэр, араас сылларга үөрэппит оҕолоро, бииргэ үлэлээбит коллегалара видеоэҕэрдэ ыытан юбиляры долгуттулар. Эҕэрдэлэргэ кыттыһан нэһилиэк дьаһалтата, оскуола директора, «Көмүлүөк» бэтэрээннэр түмсүүлэрэ, ону тэҥэ оскуола коллективын салааларынан бэйэлэрин ис сүрэхтэн тахсар эҕэрдэлэрин тиэртилэр.
Убаастабыллаах күндү киһибитигэр Екатерина Михайловнаҕа баҕарабыт чэгиэн доруобуйаны, өрүү бу курдук кэнчээри ыччакка нэһилиэкпит баай историятын тарҕата сылдьаргар баҕарабыт.
Оскуолабыт коллективыгар сыралаах үлэҕитигэр ситиһиилэри, элбэх билиилээх үөрэнэччилэри, саҥаттан саҥа саҕахтар арыллан истиннэр, саха алмааһыныы кытаанах доруобуйаны баҕарабыт.
